Trailblazer projects ti LU, nasukimat

Headlines

SIUDAD TI SAN FERNANDO, LA UNION – Indauloan ti Office for Provincial Strategy ti Mini Boot Camp (MBC) 3 Governance Trailblazer Project Evaluation and Awarding ti uppat manipud lima a Governance Trailblazer teams idi Hulio 3, 2018 iti Diego Silang Hall, Provincial Capitol, ditoy siudad.

Ti nasao a pasamak ket tuloy ti napalabas nga MBC idi Enero 29 inggana 31, 2018. Dagiti grupo ket pakairaman ti nagduduma a regional line agencies. Kas aplikasyon iti nasursurwan manipud iti MBC, dagiti grupo ket nagpili ken nangtan-ay kadagiti Governance Trailblazer Projects a naiparang kadagiti hurado, governor’s consultants Agnes Cargamento ken Marilyn Castino, provincial administrator staff Edna Raquedan ken Pastor Brennus H. Paragas, Chaplain ti Lorma Hospital.

Dagiti Governance Trailblazer Projects ket pakaibilangan ti “Bukirin, Pasyalan na rin” ti Orange Team, maysa nga “adventure, trek and farm tour package” manipud iti South Eastern Circuit; “Manong Drive V2.0” ti Blue K-9, maysa nga “skills development and knowledge enhancement training program” agserbi kadagiti tricycle drivers a mangnayon iti nakurang a bilang dagiti tourist guides; “Tourist Adventour” Map ti Green Team, a mangipakpakita iti mapa ti siudad wenno munisipalidad ken dagiti agri-tourism sites ken industria iti lugar; ken ti “Stone-Art Landmark” ti Yellow Team, a mangitantandudo iti stone arts kas attraction iti circuit.

Gandat dagiti nakuna nga proyekto a maipakita dagiti nagduduma nga produkto, aktibidad ken luglugar iti publiko tapno makatulong a magun-od ti sustainable local economic growth para kadagiti umili ti La Union.

Kalpasan ti uppat a bulan, binigbig ti probinsia dagiti naaramidan dagiti nagduduma a grupo a nangtan-ay kadagiti proyekto. Mapasamak ti awarding iti umuna a Monday Flag Raising Ceremony iti Agosto. VCB, GPC-OPS / ABN