|  | 

Headlines

Umuna a regional evacuation center ti pagilian, naluktan iti LU

BACNOTAN, LA UNION – Nalukatan ti kauunaan a regional evacuation center ti pagilian iti Barangay Agtipal, ditoy nga ili, idi Nobiembre 8, 2017.

Ti center ket naipatakder iti 3090 square meters a kalawa ti daga nga indonar ti lokal a gobierno ti Bacnotan.

Mausar ti evacuation center kadagiti panawen ti kalamidad ken napipigsa a bagyo. Addaan daytoy iti dua a kadsaaran a pasdek nga kompleto iti pasilidad kas kadagiti paglutuan, pagkaanan, paglabaan ken bodega. Addaan daytoy iti nagsina a pagdigusan ti lallaki ken babbai ken breastfeeding area malaksid iti dadduma pay a kasapulan iti panawen ti kalamidad kas iti water tank, generator, communication room, ken garbage disposal area.

Ti inauguration ken ceremonial ribbon cutting ket indauloan ni Governor Francisco Emmanuel “Pacoy” R. Ortega III, Department of Public Works and Highways (DPWH) Secretary Mark Villar ken Bacnotan Mayor Francisco Angelito Fontanilla

Iti mensahena, pinasingkedan ti gobernador ti panagkaykaysa dagiti ahensia ti gobierno tapno makaited ti pudpudno a panagbalbaliw iti panagserbi dagiti local government units kadagiti umili.

Binigbigna pay ti pannakitinnulong ti dadduma nga ahensia kas ti DPWH, Office of the Civil Defense ken National Disaster Risk Reduction Management Center (NDRRMC) tapno agballigi ti proyekto.

Manamnama a dagiti opisina ti gobierno kas ti OCD ken Regional Disaster Risk Reduction Management Council (RDRRMC) ket maiyalis iti nasao a pasdek. PITO LU / ABN

ABOUT THE AUTHOR