|  | 

Headlines

Pulis caravan, isayangkat ti LUPPO no Abril 16

CAMP DIEGO SILANG, SAN FERNANDO CITY, LA UNION – Idauloan ti Police Community Relations Group (PCRG) manipud iti Camp Crame, Quezon City ti isayangkat a Pulis Natin Caravan 2018 ti La Union Police Provincial Office (LUPPO) inton Abril 16.

Maysa kadagiti kangrunaan a paset ti aktibidad ti “One Stop Shop” iti DMMMSU-MID LUC, City of San Fernando, La Union.

Gandat daytoy nga aktibidad nga iyasideg dagiti kasapulan a serbisio ti Philippine National Police kadagiti umili ti probinsia ken kabangibang a probinsia. Pakairamanan dagiti maited a serbisio ti issuance ti clearance iti processing ti license to own and possess firearms (LTOPF), firearms registration, permit to carry firearms outside residence (PTCFOR), supervisory office of the security and investigation agencies (SOSIA) issues and concerns.

Babaen ti nasao a caravan, nalaklaka a makaala dagiti umili iti legal assistance, kas iti retirement ken pension dagiti pulis. Adda maikabil a human rights desk para kadagiti babbai ken ubbing malaksid pay kadagiti nairangta a lamisaan para kadagiti frontline services ti PNP tapno nalaklaka nga ireport dagiti natakaw a luglugan ken dadduma pay a reklamo, drug testing ken macro-etching examination.

Maangay pay dagiti lectures kadagiti estudyante ti senior high school iti DMMMSU-MLUC ken Christ the King College kadagiti pagadalanda.

Ti Cascading of the PNP Recovery and Wellness Program ket maisayangkat iti Diego Silang Hall, Provincial Capitol ti La Union.

Maangay met ti maysa a gift giving activity para kadagiti ubbing nga annak dagiti drug personalities kas adbokasia ti “Ganda Pulis 2018”. Makipaset dagiti kandidata manipud iti nagduduma a police regional offices iti nasao nga aktibidad.  ABN

ABOUT THE AUTHOR