Author Archives: Pedrito Sanidad

Naragsak nga anibersario, Baguio ken Amianan Balita Ngayon!

* Idi kalman, napanak nagbayad iti koriente sadiay maikapat a kadsaaran ti Maharlika Livelihood Building. Adu dagiti tattao nga agabayd met kadagiti nakunsumoda nga koriente. Uray agararbis idi kalman ta nalamiis ti panawenna sadiay uneg ti Beneco opis, nabara ken nakaro iti salimuotna. Mabalin a gapu iti bara dagiti bagi dagiti tattao ta no didiay uppat a kadsaaran iti mauli, sigurado nga agkaling-itanka bassit-sumngaw dagiti bara iti bagi dagiti tattao, nangruna awan iti bintilasion iti panglawa-en a silidna. Iti uneg iti silid adda met ketdi uppat a bentilador ngem saan nga aganandar. Dinillawko ti kinabara ti silid ken no apay nga saanda nga pagandaren dagiti bentelador. Gapu ta napigsa bassit ti timekko nga nagdillaw maysa kadagiti tao iti simmungbat nga, “awan kano iti pagbayad ti Beneco iti koriente!” Nagkakatawa dagiti tattao. Malagepko la ngarud ni apo Bial Palaez nga isu ti numero uno nga manglablaban iti Beneco. Beneco awan ti pagbayadna iti koriente? Ania dayta? Masapol koma nga patarimaan ti Beneco dagiti bintilador tapno saan a pudoten dagiti agbayad nga umili. Lagipenyo nga cooperatiba dayta ket ti mangimanmanihar koma ket saan nga agimbubukod. Apo Alejandro G. Delos Santos, Jr., mangriknaka met!

* Nakalawlawag met no ania iti napasingkegan a linteg nga adda iti constitution. Innem laeng a tawen iti panagakem iti asinoman a maibutos dagiti umili nga mangabak a presidente iti pagilian. Ngem ita, biagenda manen tay kunada nga cha-cha? Kayatda nga masukatan ti linaon ti konstitusion. No mabalin saanda nga kayat nga ipasublat dagiti puestoda ta saanda pay laeng a napnek kadagiti prebeligioda kas iti panagtakaw iti kuarta iti ili wenno mabutengda nga kalpasan iti panagpatengga dagiti appointment da ket matakuatan dagiti saan nga umumno nga aramidda? Kasanon no kalpasan dagitoy a pannakatakkuat kadagiti sumukat kadakuada, asino pay iti pagsanggerranda ngarud koma? Dagiti madama nga nakatugaw? Idinto nga pareho met iti pampanonoten da ngem uray ania ti aramidenda saandanto nga agballigi ta sigun ti damag, naiserekken ken napatgan ti Camara de Representante dagitay tallo nga impeachment wenno mapadisi nga complaints ken ni Presidente B.C. Aquino? Kasta iti itratrabaho met dagiti oposission ita! Tambanganda dayti cha-cha nga idurduron dagiti pro-Aquino wenno maka-Aquino! Kasta iti kinaagum dagiti agsumbangir nga partido!

* Basura manen ti awan patengana nga parikut ti siudad? Adun dagiti inyamammodan nga mabalin nga pangipenpenan kadagiti rugittayo ngem agpapan ita problema latta. Awan ti matultuloy! Iti kaudian nga kunada nga pangipasdekan ket sadiay Dontogan, sakup ti ili nga Tuba. Madi dagiti agindeg sadiay. Nasayaat koma daytoyen a lugar no matuloy koma ta nalawa. Kunada nga 138 nga ektaria kano. Uray basingkawel ti abutenna sigurado nga di mapunno kaso madi dagiti agindeg sadiay ta makadadael kano iti salun-atda ken dagiti mulmulada? Malagep ket ngarud iti daydi panawen nga nag-mayor ni apo Peter Rey Bautist, nagbalin nga kontrobersial ti siudad ti Baguio ta nakaala iti aliasna nga “Kabangsitan a siudad iti lubong!” Ania ti napasamak kadagiti adu a rugit ti Baguio? Napantayo inpapaangot dagiti buyoktayo sadiay ili ti Capas iti Tarlac ken sadiay siudad ti Urdaneta iti probinsia ti Pangasinan! Dagita nga iseo iti nangtinnag iti kinapintas toy siudad tayo ket no saantayo nga maalluadan, amangan no maulit manen dayta a kinabuyok nga kakaasi nga tinakupan toy madama nga mayor toy siudad ni apo Mayor Mauricio Domogan! Inton Setiembre 1, 2014 selebrarantayo iti 105th nga anibersario ti siudad. Siraragsak toy pagiwarnaktayo nga makiandingay iti anibersario nga maaramid. Agbiag ti siudad ti Baguio, agbiag ti Amianan Balita Ngayon! Agbiagtayo amin!

Traidor a pagayam, ngata? Ania ti pudno?

* Awan iti kas iti nakasagana! Addan waragawag iti uray asinoman maipangep iti nadaras a panagraira toy makapatay a sakit, Ebola Virus Disease(EVD) a kas kuna wenno bagbaga ti maysa nga house leader iti Department of Health (DOH), Dr. Lyndon Lee Suy, “No agamakka, nasaysayaat iti adda panagbutengmo tapno mapakadaan iti uray ania a sakit,” kasta ti ballaag ti DOH. Ni Dr. Lee Suy pay ti mangidadaulo iti DOH-National Center for Disease Prevention and Control (NCDPC). Daytoy nga ebola virus disease ket maysa nga klase ti virus nga nang-biktima kadagiti 1,000 a tattao iti West Africa. Iti pannakatay iti maysa nga padi nga Kastila iti adadda nga nagbutengan wenno nagdanagan ti DOH, tapno ikkanda iti nainsiriban a pannangisagana nga mangprotektar iti asino man a kapetan daytoy a sakit. Uray kadagiti eropuerto a pagsangpetan dagiti OFW nga aggapu iti Africa wenno iti Middle East ket inikkanda iti naiget a panangbantay ta amangan no ti Ebola Virus Disease ket nakaptanda. Inyunay-unay met ketdi ti DOH nga awan pay ti Filipino a kinapet ti kastoy a sakit wenno virus. Kumpleto met kano dagiti facilities ken mausar nga isolation rooms nga pangipananda iti pasiente no kaspagarigan. Innayonda pay nga adda dagiti mangngagas nga experto nga mangtaming no addaman makaptan ti Ebola Virus. Nakapapati nga adda wenno nakasagana dagiti mausar nga agas nga partuat wenno aggapu iti Tekmira Pharmaceuticals. Nasubok iti kina-epektibo dagiti agas babaen iti injection a kas napadasen kadagiti pasiente nga naakaran iti daytoy a virus. Kadagiti 5,000 OFW nga nagindeg iti West African countries awan pay met iti naipadamag wenno madamag nga naakaran ti Ebola Virus. Uray no kasta, masapul latta iti panagannad.

* Ania ket politikan aya! Kalpas man ti eleksion wenno madama, nabara latta nga iseo? Maibaga pay ketdin nga talaga nga adu iti nadadael ti ulonan iti daytoy a politika! Ania ngata ti anien ti maysa nga politiko tapno tumapog ti politika? Dayaw ngata wenno tapno agkammel iti kinabaknang? Adu dagiti padastayon kadagiti napili nga opisialestayo. Manipud iti kangatuan a presidente agingga iti kababaan a barangay opisial? Ania ti kunaen dagiti umili? Adda latta met tay mangisakit iti maysa nga opisial? Asino dagitoy? Dagitay naasideg nga makisussuso iti pagsayaatan ken mangirurumen no saan a napagustuan? Asino met dagiti napudno ken karnero iti namarsua? Agduduma nga kapanunotan ken panangipagarup? Asino dagiti napupudno nga talaga a madaydayaw? Kas itatta, dagitoy a banag naarisit iti kapanunotan tay maysa nga mannangipapan, uray isu ti kunam napudno ngata kadagiti agtataruptop iti maururam a kapanunotannana? Wenno amangan no apal met? Ngem naibugas iti dakes a kababalin ti tao dagiti dakes nga panangipagarup ta saanna met nga masursur iti kapanunutan ti padana nga tao. Asino man ti napudno isu, ni Apo nga Namarsua laeng iti napudpudno nga makaammo! Amen.

* Ibagbagada met nga adaptaren sa kano ti partido liberal ni Bise-presidente Jejomar Binay a kas mangitakder iti kina-presidente inton 2016? Ket kas dayta a kapanunotan ket naggapu ken ni Presidente Benigno C. Aquino. No kaspagarigan ta agpayso daytoy a damag, kasanon ni sekretario Mar Roxas? Ammo iti amin a nadiket nga agpagayam dagitoy dua. Iti daydi napalabas nga panagpipili isu da Aquino ken ni Roxas ti nagkaasmang. Iti kina-presidente ken bise presidente ti partido liberal. Ngem no iti damag ita ket kasla iwalendan ni Mar Roxas a kas para presidente iti umay nga eleksion, ania nga klase a gayyem iti adda iti kinatao ni presidente Aquino? Sika man gayyem ti mangibaga? Birngasam!

Graphic warning kadagiti sigarilio, maysan a linteg! Freedom of Information, awan pay

* Iti maikatlo a daras a maisaang ken maangay ti Cordillera Regional Autonomy, ania ngata iti agbalin a gasat na nga agururay kadagiti umili iti intero nga rehion? Agaballigi ngatan? Maipalagip iti daydi Pebrero 1987, na-ratify ti baro nga constitution, Section 15, Article 10, provides for the creation of autonomous region ti Muslim Mindanao ken Cordilleras. Daydi president Corazon C. Aquino ti nangpirma ti Executive Order 220, a masangal iti kaadda ti Cordillera Administrative Region (CAR) a dagupen dagiti probinsia ti Abra, Benguet, Ifugao, Kalinga-Apayao, Mountain Province ken karaman ti siudad ti Baguio. Nga iti daydi Enero 30, 1988 naaramid ti panagbubutos. Ti probinsia iti Ifugao laeng iti nakaigasat, ngem kinuna met ti Korte Suprema nga saan nga agbalin nga akimen ti Ifugao laeng ti Organic Act. Idi Marso 7, 1998 naaramid manen ti maikaddua a panagpipili. Na-reject manen ta Apayao laeng ti nakaigasat. Ket idi Hulio 30, 2001, inpaay ni dati president Gloria Macapagal Arroyo ti Executive Order 30, pannaka-establisar ti CAR Development Council (ROC) ket idi Marso, 2006 kalpasan ti 19 a tawen ti CAR nagtultuloy a nakasangir babaen ti socio-economic development maikomperar kadagiti rehion ti Luzon! Iti babaen iti panagkaykaysa dagiti diputados a napili kalpasan ti nalikodan nga election local, ituloyda manen ti panagbalin nga panagbukbukod wenno autonomia ti Cordillera! Baka kas kadagidiay napalpalabas manen a rason ti pannaka-reject manen daytoy a gakat dagiti diputados ti Cordillera? Ania aya dagiti rason a nagna pay iti pinnabasol kadagiti nagakakem a diputado idi: umuna iti kinakurang iti pannakaiyamammo dagiti gakat tapno maamuan dagiti umili iti pagsayaatan iti panagbukbukod ti Cordillera iti pannakaipagna iti agbalin a kina-gobiernona nga agbukbukod. Awan iti malagipko no mano a billion wenno million a pesos iti nailatang a busbusen iti daytoy a proyekto? Umuna, nakurang a pannaka-ikompania kadagiti umili. Narigat nga maawatan dagiti tattao dagiti pulietos nga nairanta nga naimprenta gapu iti saan a pannakaawat dagiti kababagasna. Ngem nakarkaro met dagiti pammaliiw dagita dadduma ta kunkunaenda nga limmubo kano dagiti bulsa dagiti leaders isu nga nakurang iti pannakaiyamammo kadagiti umili nangruna kadagiti botante iti kinapintas ken kinangayed iti pagbalinan ti Cordillera nga autonomia! Sapay koma ta pumudno dagiti ararapaapen dagiti napudno iti panagbukbukod ti Cordillera. Kasla maysa a kansion iti Iluko nga “dardarepdep iti agnanayon!” Saan laeng a maysa a darepdep no di ket napudpudno nga autonomia ti Cordillera!!!

* Maysan a linteg a pinirmaan ni Presidente Noy Aquino tay kunada a graphic warning kadagiti kaha ti sigarilio. Daytoy daytay ballaag nga saan a makaited iti nasayaat ti agsigarilio no di ket mangipaay iti nakaamuak a sakit a mangdangdadael ti salun-at. No iti kaha iti sigarilio ket awanan ti ballaag, mabalin a kassuan ti makin-produkto iti nasao nga sigarilyo!

* Baka addaankan iti HIV? Isu daytoy daytay kadakesan a sakit a maala iti pannaki-sex. HIV, kayatna a sawen ket “Human Immunodeficiency Virus”, kinuna ti WHO wenno World Health Organization a nalaklaka kano a kapten daytoy a sakit dagiti agtawen manipud iti 15 aggingga iti 24, gapu iti kinadursokda ken iti turedda nga di agusar ti condom ken panagbibinnulod iti indieksion. Agannadka baka sika iti sumaruno a biktima!

Basol ti chainsaw, kano!

* Iti daytoy nga aldaw, Domingo, Hulio 27, 2014, isu iti pannaksilebrar ti sentenario ti INC, wenno dagitay kabagistayo iti religion nga Iglesia ni Cristo. Maangay ti selebrasion iti Bulacan. Iti patta-patta, agdagup nga lumabes-kumurang nga 10 million ti agatendar iti nasao nga selebrasion iti sentenario ti INC. Kadagiti amin a kabagis wenno kakabsat iti INC, agbiagkayo amin!

* SONA ni apo presidente Benigno C. Aquino III inton Lunes, Hulio 28, ti mabilang iti daytoy nga panagbitlana sigurado nga kalbitenna manen daytoy DAP wenno ti Disbursement Acceleration Program. Adu dagiti mannanao wenno tarabitab nga mangibagbaga nga daytoy kano DAP ket maysa nga klase ti Pork Barrel nga inaramat ti Malacanang a pinangpasuksok kadagiti senador tapno agbutos da iti kayat ti president a ma-impeach ni dati a Chief Justice Renato Corona, nga kalpasanna dagitoy nga naipasuksok ket imbulsa laeng dagitoy nga opisiales iti bukodda a pagsayaatan! Babaen ti daytoy, iti met laeng legalidad wenno constitutionalidad daytoy ti natameng a mismo ti Korte Suprema? Ti saludsod, adda kadi pagbatbatayan iti linteg ti DAP? Kas naammuantayo kadagiti media a kakabsat iti radio, telebision ken kadagiti pagiwarnak, daytoy kano ket binukel ti Malacanang ti DAP babaen iti rekomendasion ni budget sekretario Butch Abad tapno napardas iti pannakausar ti pondo daytoy kadagiti proyekto ti gobierno a para iti pagsayaatan ti publico. Isu daytoy tay kinunkuna ni presidente Aquino nga “savings” manipud kadagiti nadumaduma nga departamento ti gobierno. Daytoy tay kunada nga napagtitiponda nga pondo nga sobra wenno saan nga nausar dagiti dadduma nga ahensia. Kanayonnan ditoy dagiti pondo nga mairuar oray saan nga nakaprograma tapno mapadakkelda laeng ti “saving”. Sigurado nga dagullitena manen iti agtultuloy nga pananglablabanna iti Korte Suprema gapu iti panangideklara ti Korte Suprema nga adda paset ti DAP ti kunana nga “unconstitutional”. Mabalin nga iti daytoy a SONA na, mailawlawagna amin dagiti dadduma pay a programa nga pagsayaatan dagiti umili. Maawis ngarud ti amin nga makipagdengngeg iti SONA ni president Benigno C. Aquino III!

* Iti daytoy umay a bulan ti Agosto maiwaragawag kadagiti amin nga umili nga atay bangus ken tilapia nga ikan ket adda panagkurkurang nga mailako iti merkado. Sigurado nga ipanginada manen iti gatadna!

* Kalbitek man no asino ti kangatuan nga mangimatmaton ditoy Burnham Park ta no asino kadagitay dua a security guard ti nangbilin nga ikandadoda day ruangan a landok a sumbrekan dagiti tattao nga aggapu iti Harrison Road nga umuneg ditoy Jadewell Parking area (dati) ken dagiti aggapu iti Burnham Drive nga magna iti abay ti Ganza Restaurant a mapan iti Harrison Road. Nagdakes ket iti kananakem dagitoy a parsua ta sinerraanda daytoy a ruangan nga pagnaan dagiti tattao. Ania ket ti rigat dagitoy senior citizen nga sumagpat iti kinabite nga pader iti beddeng toy Ganza Restaurant ken itoy dati a Jadewell Parking area! Kunak pay ketdi nga dagiti pulis iti utek iti pannakasera itoy a ruangan. Ngamen idi malpas tay rescue exhibition ti Fire Department, kamalmanna kinandaduan da metten. Maasi kayo kadagiti passers nga agsagpat iti kinabeti nga pader wenno kasla da la baboy nga umususok iti nawayaan nga abot a kadena toy ruangan a bato! Kaskay la agpampanunot a monamon! Yah! Agbain kayo met ah!

* Apay ngamin a pabasolenda ni Diputado Nick Aliping ket awan met napukan a kayo iti ayan iti loteda sadiay Cabuyao. Maysa pay, saan da met a nakita nga isu ti nagpukan? Ngem ne, isu met iti imameg dagiti kontraktor nga isu iti nagpatrabaho iti kalsada nga dumanon iti asideg iti agdua ektaria a dagana idiay Cabuyao. Ania ken asino dagiti nagpukan kadagiti kayo? Baka pabasulen da ti chainsaw! Naks! Ania met dayta!