|  | 

Headlines

La Union ti cleanest, safest, greenest province iti Region I

img-responsive

LA UNION – Ti probinsia ti La Union ti napadayawan kas Cleanest, Safest and Greenest Local Government Unit (LGU) Provincial Category iti kalkalpas nga State of the Region’s Development Conference idi May 9, 2017 sadiay Vigan Convention Center, Vigan City, Ilocos Sur.

Sipapannakkel iti probinsia a masakupanna nga inawat ni Gobernador Francisco Emmanuel R. Ortega III ti nakuna a pammadayaw a para kaniana ket pammaneknek ti nagkaykaysa a panangikagumaan ti sibubukel a probinsial a gobierno ti La Union (PGLU) iti panangipatungpal kadagiti programa ken polisiya maipapan iti panangsalimetmet iti kinangayed ti aglawlaw ken iti urnos ken kapia ti probinsia.

Dagiti dadduma pay a pammadayaw a naawat ti probinsia ti La Union ket pakairamanan ti LGU Best Practices-Project Category, Champion, Project Dur-as, Municipality of Bacnotan; Cleanest Inland Body of Water, Champion, Tapuakan River, Municipality of Pugo; Best Non-Government Organization (NGO)-LGU Partnership, 1st Runner-up, Municipality of Bacnotan ken ti Holcim Philippines Inc; Cleanest, Safest and Greenest LGU-Municipality A Category, 1st Runner-up, Municipality of Balaoan; Cleanest, Safest and Greenest LGU-Municipality B Category, 1st Runner-up, Municipality of Santol; LGU Best Practices Award of Recognition to the City of San Fernando para iti “Model Health and Wellness Barangay” Project. Naawat ti La Union ti Hall of Famer status idi 2012 kalpasan a nagsisinnaruno a naikkan ti award idi 2010, 2011 ken 2012.

Ti Regional Development Council-Region 1, sub-national counterpart ti National Economic and Development Authority (NEDA) ken kangatuan a “planning and policy-making body” ti Region 1, ti nangidaulo iti recognition program kalpasan dagiti naipatungpal a nagduduma a validation visits dagiti nabusisi a technical working groups. Marcel A. Florentino, PITO-La Union / ABN

ABOUT THE AUTHOR